بغداد میں خود کش حملے میں 46 افراد ہلاک متعدد زخمی

بیشتر زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے، عراقی حکام۔ فوٹو: اے ایف پی

---

عراق کے دارالحکومت بغداد میں خود کش حملے میں کم از کم 46 افراد ہلاک اور متعدد زخمی ہو گئے۔

غیر ملکی خبر رساں ادارے کے مطابق عراق کے دارالحکومت بغداد میں ایک تقریب جاری تھی کہ خود کش حملہ آور نے ٹینٹ میں داخل ہو کر خود کو دھماکا خیز مواد کی مدد سے اڑا لیا جس کے نتیجے میں کم از کم 46 افراد ہلاک اور درجنوں زخمی ہوگئے، دھماکے کے بعد امدادی اہلکاروں نے زخمیوں کو فوری طور پر اسپتال منتقل کیا جہاں بیشتر زخمیوں کی حالت تشویش ناک بتائی جاتی ہے۔

اس خبر کو بھی پڑھیں : بغداد میں خودکش دھماکا، 55 افراد ہلاک اور متعدد زخمی

حکام کا کہنا ہے کہ تقریب کی وجہ سے ٹینٹ میں لوگوں کی بڑی تعداد موجود تھی جس کی وجہ سے بڑے پیمانے پر جانی نقصان ہوا جب کہ خود کش حملے کی ذمہ داری د داعش نے قبول کرلی ہے۔