بھارت لائن آف کنٹرول پر جنگ بندی کی مسلسل خلاف ورزی کررہا ہے پاکستان

رواں برس بھارت نے کنٹرول لائن کی 90 سےزائد مرتبہ خلاف ورزیاں کیں ، ترجمان دفتر خارجہ

ویب ڈیسک October 17, 2016

کنٹرول لائن پر بھارتی اشتعال انگیزی جاری ہے فوٹو فائل

ترجمان دفتر خارجہ نفیس ذکریا کا کہنا ہے کہ بھارت لائن آف کنٹرول پر جنگ بندی کی مسلسل خلاف ورزی کررہا ہے اور رواں برس اب تک 90 سےزائد مرتبہ خلاف ورزی کرچکا ہے۔

سماجی رابطے کی ویب سائٹ ٹوئٹر پر بیان میں ترجمان دفتر خارجہ نفیس زکریا نے کہا کہ بھارت کی جانب سے لائن آف کنٹرول پر جنگ بندی معاہدے کی خلاف ورزی کرتے ہوئے بلااشتعال فائرنگ کی جاری ہے۔ بھارتی فورسز نے ایک مرتبہ پھر کنٹرول لائن کی خلاف ورزی کرتے ہوئے فائرنگ کی ہے اور رواں برس بھارت کنٹرول لائن پر 90 سےزائد مرتبہ جنگ بندی کی خلاف ورزی کرچکا ہے۔

#LoCViolationsbyIndia India again resorts 2unprovoked firing at LoC; during 2016 India violated ceasefire more than 90 times.This #must stop
— Ministry of Foreign Affairs - Pakistan (@ForeignOfficePk) October 17, 2016

واضح رہے کہ نریندر مودی کے وزیر اعظم بننے کے بعد سے لائن آف کنٹرول اور ورکنگ باؤنڈری پر بھارتی اشتعال انگیزی کا نا ختم ہونے والا سلسلہ جاری ہے جب کہ گزشتہ ماہ بھارتی فوج نے سرجیکل اسٹرائک کا جھوٹا دعویٰ بھی کیا تھا۔