کراچی میں پی ایس پی رہنما اشفاق منگی کے گھر پر فائرنگ بھائی زخمی
فائرنگ کرنے والے کی تعداد 4 تھی اور وہ بھائی کو اغوا کرنا چاہتے تھے، اشفاق منگی
گلستان جوہر میں پاک سرزمین پارٹی کے رہنما اشفاق منگی کے گھر پر نامعلوم افراد کی فائرنگ سے ان کے بھائی زخمی ہوگئے۔
ایکسپریس نیوز کے مطابق کراچی کے علاقے گلستان جوہر بلاک 2 میں کار میں سوار 4 نامعلوم افراد اشفاق منگی کے گھر میں داخل ہوئے اور فائرنگ کرکے فرار ہوگئے، فائرنگ کے نتیجے میں اشفاق منگی کا بھائی زخمی ہوگیا جسے قریبی اسپتال منتقل کردیا گیا۔
اشفاق منگی کا کہنا ہے کہ ان کے بھائی کو نامعلوم افراد نے اغوا کرنے کی کوشش کی لیکن وہ کامایب نہ ہوسکے اور فرار ہوتے ہوئے فائرنگ کردی جس پر ان کا بھائی زخمی ہوگیا تاہم اس کی حالت خطرے سے باہر ہے۔