کراچی کی نئی حلقہ بندیاں سپریم کورٹ کے حکم کے مطابق ہونگی سیکریٹری الیکشن کمیشن

سیکریٹری الیکشن کمیشن اشتیاق احمد نے کہا ہے کہ کراچی کی نئی حلقہ بندیاں سپریم کورٹ کے حکم کے مطابق ہونگی۔


اسلام آبد میں میڈیا سے گفتگو کرتے ہوئے سیکریٹری الیکشن کمیشن اشتیاق احمد نے کہا کہ ووٹروں کی تصدیق میں فوج کی مدد کے لئے وزارت دفاع اور کور کمانڈر کراچی کوخط لکھ دیا ہے، انہوں نے کہا کہ ضمنی انتخابات کی شکایات عمومی ہیں، یہ شکایات الیکشن ٹربیونل میں درج نہیں کرائیں گئیں۔

اشتیاق احمد نے کہا کہ ووٹرز کی تصدیق کے لئے سندھ حکومت کے 18 ہزار لوگ درکار ہونگے جس کے بعد ایک ماہ میں ووٹرز کی تصدیق کا عمل مکمل ہوجائے گا، انہوں نے کہا کہ نئی حلقہ بندیاں عدالتی حکم کے مطابق ہونگی سپریم کورٹ نے 2 ہفتوں میں نئی حلقہ بندیوں کی رپورٹ طلب کی ہے۔