شفاف انتخابات کرانا موجودہ حکومت کا واحد اچھا کام ہو گا عمران خان

تحریک انصاف کے سربراہ عمران خان نے کہا ہے کہ شفاف انتخابات کرانا موجودہ حکومت کا واحد اچھا کام ہو گا۔


اسلام آباد میں چیف الیکشن کمشنر سے ملاقات کے بعد میڈیا سے گفتگو کرتے ہوئے عمران خان نےکہاکہ ٹیکس آمدن کو لیپ ٹاپ اور بے نظیر انکم سپورٹ پروگرام کے لیے خرچ کیا جارہا ہے ،انہوں نے کہا کہ 31 فیصد ارکان اسمبلی نے آج تک ٹیکس تو کیا این ٹی ایم نمبر تک نہیں لیا.

عمران خان کا کہنا تھا کہ قرضے معاف کرانے اور ٹیکس نہ دینے والوں کو الیکشن کے لیے نااہل کیا جائے ، انہوں نے کہا کہ 5 سال میں منتخب ارکان کے اثاثے تو بڑھے لیکن ٹیکس نہ دینا سب سے بڑی کرپشن ہے ،انہوں نے عام انتخابات میں پولنگ اسٹیشن کے اندر فوج تعینات کرنے اور رینجرز کی موجودگی کے فیصلہ کو بھی سراہا ۔