برطانوی ویکلی میگزین نے ایشیا کے پر کشش ترین خواتین و مرد کی فہرست جاری کی ہے جس میں مردوں میں پاکستانی گلوکار علی ظفر دوسرے نمبر پر ہیں۔
برطانوی میگزین کی جاری ہونے والی رپورٹ کے مطابق پرکشش مردوں میں پہلا نمبر بالی ووڈ اداکار ہریتک روشن کا ہے جبکہ سلمان خان کا تیسرا اور شاہ رخ خان کا ساتواں نمبر ہے۔
پرکشش خواتین میں برطانوی میگزین کے مطابق اداکارہ پریانکا چوپڑا کا پہلا، کرینہ کپور کا دوسرا اور کترینہ کیف کا تیسرا نمبر ہے جبکہ بچن خاندان کی بہو ایشوریہ رائے کا 16واں نمبر ہے۔
واضح رہے کہ گزشتہ ماہ بھارتی جریدے ''ورائٹی میگزین'' نے بھی بھارت میں سب سے زیادہ سنے جانے والے گلوکاروں کی درجہ بندی کی تھی جس میں علی ظفر تیسرے سب سے زیادہ سنے جانے والے گلوکار قرار پائے تھے۔