آئل اینڈ گیس ریگولیٹری اتھارٹی (اوگرا) نے سی این جی ایسوسی ایشن کو سی این جی 73 روپے فی کلو پر بیچنے کی پیشکش کردی۔
اسلام آباد میں سی این جی ایسوسی ایشن سے مذاکرات کے بعد اوگرا کے سینئر حکام نے میڈیا سے بات چیت کرتے ہوئے بتایا کہ سی این جی ایسوسی ایشن کے ساتھ مذاکرات میں پیشرفت ہوئی ہے اور توقع ہے کہ معاملہ جلد حل ہوجائے گا۔
مذاکرات میں اوگرا کی جانب سے سی این جی کی نئی قیمتیں حکومت کی پالیسی گائیڈ لائن سے مشروط کردی گئی ہیں اور حکومت کی طرف سے گائیڈ لائن نہ ملنے تک سی این جی کی نئی قیمتوں کا اعلان نہیں کیا جائے گا۔
سی این جی ایسوسی ایشن کے صدر غیاث پراچہ اور رہنما ملک خدا بخش نے بھی اس بات کی تصدیق کی ہے کہ اوگرا کے ساتھ سی این جی معاملے پر اہم نکات پر اتفاق ہوگیا ہے۔