کشمور کے قریب ٹریکٹر ٹرالی الٹنے سے 6 افراد جاں بحق 3 زخمی

جاں بحق ہونے والوں میں 3 بچے،2 خواتین اور ایک مرد شامل ہیں، پولیس۔ فوٹو : فائل

---

کشمور کے قریب ٹریکٹر ٹرالی الٹنے کے نتیجے میں 6 افراد جاں بحق جب کہ 3 زخمی ہوگئے۔

ایکسپریس نیوز کے مطابق کشمور کے قریب تیز رفتاری کے باعث ٹریکٹر ٹرالی ڈرائیور سے بے قابو ہو کر الٹ گئی جس کے نتیجے میں 3 بچوں اور 2 خواتین سمیت 6 افراد جاں بحق جب کہ 3 زخمی ہوگئے، واقعہ کے بعد زخمیوں کو قریبی اسپتال منتقل کیا گیا جہاں انہیں طبی امداد دی جارہی ہے۔

پولیس کے مطابق حادثے ميں جاں بحق ہونے والے افراد کا تعلق مزاری قبیلے سے ہے اور یہ لوگ کشمور سے گھوٹکی جارہے تھے۔