عامر خان کی فلم ’’دنگل‘‘ کا ٹریلر مقبولیت کی انتہا کو پہنچ گیا

فلم کے ٹریلیر کو چند گھنٹوں میں 30 لاکھ سے زائد افراد دیکھ چکے ہیں۔ فوٹو ؛ فائل

---

بالی ووڈ کے مسٹر پرفیکشنسٹ عامر خان کی نئی آنے والی فلم ''دنگل'' کا ٹریلیر جاری کردیا گیا جسے سوشل میڈیا پر بے حد پسند کیا جارہا ہے۔

بالی ووڈ اسٹار عامر خان اپنے کردار میں ڈھل جانے کے حوالے سے شہرت رکھتے ہیں جس کی وجہ سے ان کی فلموں کا بڑی بے صبری سے انتظار کیا جاتاہے جب کہ سلو میاں کی فلم ''سلطان'' کے بعد مسٹر پرفیکشنسٹ کی فلم کا شدت سے انتظار کیا جارہا ہے لیکن فلم نے ٹریلیر اپنی ریلیز کے ساتھ ہی مقبولیت کی انتہا کو پہنچ چکا ہے۔

بھارتی میڈیا رپورٹس کے مطابق بالی ووڈ اسٹار عامر خان کی فلم ''دنگل'' کا ٹریلیر جاری کردیا گیا جس نے دیکھتے ہی دیکھتے مقبولیت حاصل کرلی ہے جب کہ مداحوں کی جانب سے فلم کے ٹریلیرکو بے حد پسند کیا جاریا ہے جسے چند گھنٹوں میں ہی یو ٹیوب پر 30 لاکھ سے زائد افراد دیکھ چکے ہیں۔

https://twitter.com/karanjohar/status/789050968159596544

دوسری جانب فلم نگری کے بڑے بڑے ستارے بھی عامر خان کی فلم کے ٹریلیر سے متاثر ہوئے بغیر نہ رہ سکے اور سماجی رابطے کی ویب سائٹ ٹوئٹر پر فلم کے ٹریلیر کی تعریفوں کے پل باندھ دیئے ہیں جب کہ معروف ہدایتکار کرن جوہر کا اپنی ٹوئٹ میں کہنا تھا کہ فلم ''دنگل''بہترین فلم جو کہ تاریخ رقم کردے گی۔

Speechless ...... brilliance thy name @aamir_khan #Dangal https://t.co/v0h2q7XPHI

— Riteish Deshmukh (@Riteishd) October 20, 2016

اداکار رتیش دیش مکھ کا کہنا تھا کہ فلم کے ٹریلیر نے لاجواب کردیا ہے اور ذہانت کا دوسرانام عامر خان ہے جب کہ اداکارہ کیریتی سنون نے ٹوئٹ میں کہا کہ فلم کاٹریلیر فل سیٹی مار ہے جسے دیکھ کر اب فلم دیکھنے کے لیے بیتاب ہوں۔

#DangalTrailer is just Wow!! Outstanding! Full Seeti-Maar trailer👏🏻👌🏻 @aamir_khan @niteshtiwari22 cant wait to watch it!!

— Kriti Sanon (@kritisanon) October 20, 2016

واضح رہے کہ عامر خان نے فلم میں پہلوان کا کردار ادا کیا ہے اور فلم رواں سال 23 دسمبر کونمائش کے لیے پیش کی جائے گی ۔