تخریب کاری کا خدشہ لندن کا سٹی ایئرپورٹ مسافروں سے خالی کرالیا گیا

اچانک مسافروں کو سانس لینے میں مشکلات کا سامنا کرنا پڑا جس کے بعد حکام نے ریسکیو ٹیموں کو طلب کرلیا۔ فوٹو: سوشل میڈیا

---

لاہور: سٹی ائیرپورٹ پر متعدد مسافر اچانک کھانسنا شروع ہوگئے جس کے بعد حکام نے تخریب کاری کے خدشے کے پیش نظر ایئرپورٹ کو مسافروں سے خالی کرالیا۔

غیرملکی میڈیا کے مطابق لندن کے انتہائی مصروف سٹی ایئرپورٹ پر اچانک متعدد مسافروں کو سانس لینے میں مشکلات کا سامنا کرنا پڑا اور وہ کھانستے رہے جس کے بعد حکام نے کیمیکل کے نفوس کے خطرے کے پیش نظر مسافروں کو ایئرپورٹ کی حدود سے باہر نکال دیا۔ واقعے کی اطلاع ملتے ہی فائربریگیڈ کا عملہ اور ریسکیو ٹیمیں موقع پر پہنچ گئیں جب کہ 26 مسافروں کو فوری طور پر اسپتال منتقل کردیا گیا۔

Terminal has been evacuated due to fire alarm, we are looking into the cause- updates to follow.

— London City Airport (@LondonCityAir) October 21, 2016

ایئرپورٹ انتظامیہ کے مطابق فائر الارم بجنے کے بعد ٹرمینل کو مسافروں سے خالی کرالیا گیا ہے جب کہ میٹروپولیٹن پولیس کا کہنا ہے کہ کسی بھی خطرے کے پیش نظر ایئرپورٹ خالی کرایا گیا ہے تاہم فائر بریگیڈ کا عملہ اور قانون نافذ کرنے والے ادارے کیمیکل کے نفوس کی وجوہات جاننے کی کوشش کر رہے ہیں۔