نصیرالدین شاہ انتہا پسند ہندوؤں پربرس پڑے

فنکاروں کو دھمکیاں دینا اور ان پر پابندی لگانا تکلیف دہ امر ہے۔ فوٹو: فائل

---

ISLAMABAD: بھارتی اداکار نصیرالدین شاہ نے فلمسازوں اورسینیما مالکان کو دھمکیاں دینے پر انتہاپسند ہندووں کی تنظیم مہاراشٹرا نو نیرمان سینا کو شدید تنقید کا نشانہ بنایا ہے۔

بھارتی اخبار کی رپورٹ کے مطابق اپنے ایک انٹرویو میں انھوں نے شدت پسند ہندوؤں کی جانب سے دھمکیوں کی مذمت کرتے ہوئے کہاکہ فلمساز اورفلمی صنعت انتہاپسندوؤں کے لیے ایک آسان ہدف ہے جب کہ انھوں نے کرن جوہر کی فلم اے دل ہے مشکل کی حمایت کی۔

نصیرالدین شاہ کا کہنا تھا کہ پاکستان اوربھارت کے درمیان سفارتی تعلقات منقطع نہیں ہوئے اورنہ ہی دونوں ممالک نے ایک دوسرے کے لیےاپنی سرحدیں بند کیں تو ایسے میں فنکاروں کو دھمکیاں دینا اور ان پر پابندی لگانا تکلیف دہ امر ہے۔