سعودی فرمانروا شاہ عبداللہ بن عبدالعزیز کو ریڑھ کی ہڈی کے کامیاب آپریشن کے بعد اسپتال سے فارغ کر دیا گیا۔

شاہ عبداللہ کا آپریشن 17 نومبر کو کیا گیا اور وہ 28 نومبر کو سرکاری ٹی وی پر آپریشن کےبعد پہلی بار نظر آئے تھے، سعودی ٹی وی پر دکھائی گئی ویڈیو میں شاہ عبداللہ نے اپنے خاندان سے ملاقات کی اور وہ صحت مند بھی نظر آرہے تھے۔

اس سے قبل شاہ عبداللہ کا نومبر2010 میں نیویارک میں ریڑھ کی ہڈی کا آپریشن کیا گیا تھا، شاہ عبداللہ کی عمر 89 سال ہے وہ 2005 میں اپنے بھائی شاہ فہد کے انتقال کے بعد سعودی عرب کے فرمانروا بنے تھے۔