کھپرو ٹی او فنانس کے عہدے کیلیے 2 افسران میں کشمکش

ایک افسر کی17 گریڈ میں ہونے کے باوجود 16 گریڈ کی پوسٹ پر جوائننگ۔

---

ٹائون میونسپل ایڈمنسٹریشن کھپرو میں تعلقہ افسر فنانس کے عہدے کے لیے 2 افسران میں کشمکش جاری، ایک افسر نے 17 گریڈ میں ہونے کے باوجود 16 ویں گریڈ کی پوسٹ پر جوائننگ دیدی۔

تفصیلات کے مطابق ٹی ایم اے کھپرو میں تعلقہ افسر فنانس کے عہدے کے لیے 2 بلدیاتی افسران میں کشمکش پیدا ہوگئی اور ٹی ایم او کھپرو کی جانب سے جوائننگ نہ دینے پر بلدیاتی افسر غلام نبی ڈاہری نے شدیداحتجاج کرتے ہوئے بتایا کہ گزشتہ ہفتے میرا بحیثیت تعلقہ افسر فنانس کھپرو تقرر ہوا لیکن ٹی ایم او راج کمار نے جوائننگ دینے کی بجائے 2 دن کے بعد آنے کا کہا۔



تاہم ٹی ایم او نے بعد میں ٹرانسفر آرڈر لے کر آنیوالے 17 ویں اسکیل کے افسر امان اللہ سانگی کوٹی او فنانس کی جوائننگ دیدی۔ انہوں نے کہا کہ ٹی ایم او نے بدنیتی کی بنیاد پر مجھے جوائننگ نہیں دی اور وہ اس سلسلے میں عدالت جائیں گے۔