کراچی میں ڈنگی وائرس سے متاثرہ مزید 10 مریضوں کی تصدیق ہوئی ہے جس کے بعد رواں سال وائرس سے متاثرہ مریضوں کی تعداد715ہوگئی۔

ڈنگی سرویلنس سیل کے مطابق ڈنگی کے مریضوں میں اچانک اضافہ ہورہا ہے جوتشویشناک بات ہے جبکہ ماہرین طب کاکہنا ہے کہ ڈنگی وائرس جنوری تک رپورٹ ہوتا ہے اورموجودہ موسم ان مچھروںکی افزائش نسل کا ہوتا ہے جس کی وجہ سے مریضوں کی تعداد میں مسلسل اضافہ ہورہا ہے،ماہرین طب نے عوام کو احتیاطی تدابیر اختیار کرنے کی ہدایت کی ہے۔