پاکستان کرکٹ میں سفارشیوں کی بھر مار ہے نجم سیٹھی

سجدہ کرنا یا پش اپس لگانا ہر کھلاڑی کی صوابدید ہے، چیرمین پاکستان کرکٹ بورڈ ایگزیکٹیو کمیٹی

---

پاکستان کرکٹ بورڈ کی ایگزیکٹیو کمیٹی کے چیرمین نجم سیٹھی کا کہنا ہے کہ پاکستان کرکٹ میں سفارشیوں کی بھر مار ہے لیکن کرکٹ کو سیاست سے دور رکھنا چاہیے۔

1/2 Sajda/pushups etc done @ discretion of players. PCB highly appreciates fitness training facilities of PakArmy, utilised thrice in 6 yrs

— Najam Sethi (@najamsethi) October 26, 2016

ماجی رابطے کی ویب سائٹ پر ٹوئٹ کرتے ہوئے پاکستان کرکٹ بورڈ کی ایگزیکٹیو کمیٹی کے چیرمین نجم سیٹھی کا کہنا ہے کہ کرکٹ کو سیاست سے دور رکھنا چاہیے جب کہ سجدہ کرنا یا پش اپس لگانا ہر کھلاڑی کی صوابدید ہے۔ انہوں نے کہا کہ قومی ٹیم کے کھلاڑیوں کو فٹنس ٹریننگ دینے پر پاکستان کرکٹ بورڈ پاک آرمی کا مشکور ہے۔

#2/2 Media should refrain from politicising Pak cricket team!

— Najam Sethi (@najamsethi) October 26, 2016

اس خبر کو بھی پڑھیں؛ سیاستدانوں کو کھلاڑیوں کے ''پش اپس'' لگانے میں بھی سازش نظر آنے لگی

اس سے قبل قومی اسمبلی کی قائمہ کمیٹی برائے بین الصوبائی رابطہ کے اجلاس کے دوران نجم سیٹھی نے کہا کہ پاکستان کرکٹ میں سفارشیوں کی بھر مار ہے، دنیا میں کہیں ایسا نہیں ہوتا۔ کمیٹی ان کیمرہ اجلاس بلائے وہ اس میں تمام تلخ حقائق پیش کرسکتے ہیں، ملک میں کرکٹ کے حوالے سے ٹیلنٹ موجود ہے لیکن اسے نکھارا نہیں جاتا، جب وہ پی سی بی میں آئے تو سلیکشن کمیٹی کے سربراہ اقبال قاسم نے کہا تھا کہ ہمارے پاس ٹیلنٹ نہیں، ملک کی کرکٹ کو انقلاب کی ضرورت ہے۔

نجم سیٹھی نے کہا کہ پی سی بی میں اگر کوئی شخص سب سےزیادہ غیرمقبول ہے تو وہ میں ہوں، یو اے ای میں ایک بین الاقوامی میچ کرانے پر 50 ہزار ڈالر خرچ آتا ہے لیکن اس کے باوجود ہم نے پی ایس ایل سے ڈھائی ملین ڈالر کمائے۔ انہوں نے بتایا کہ ہم جب بھی غیرملکی ٹیم لانے کی تیاری کرتے ہیں کوئی نہ کوئی واقعہ ہوجاتا ہے، وزیراعظم نے انہیں غیر ملکی ٹیموں کو پاکستان لانے کا ٹاسک دیا، ہم نے آئرلینڈ کی ٹیم سے پاکستان کے دورے کی بات کی، آئر لینڈ نے ہمارے سیکیورٹی انتظامات کا جائزہ لیا، انہوں نے وزیر اعظم کو پیش رفت سے آگاہ کیا تو وہ پریشان ہو گئے، اس کے ٹھیک 15 روز بعد کراچی ایئرپورٹ پر حملہ ہو گیا۔

واضح رہے قومی اسمبلی کی قائمہ کمیٹی برائے بین الصوبائی رابطہ کے اجلاس میں حکومتی رکن رانا محمد افضل خان نے قومی کھلاڑیوں کے پشاپس لگانے پر اعتراض کرتے ہوئے کہا کہ کھلاڑی پش اپس لگا کر دنیا کو کیا پیغام دینا چاہتے ہیں۔