آرمی چیف سے شہباز شریف چوہدری نثار اور اسحاق ڈار کی ملاقات آئی ایس پی آر

حکومتی وفد نے آرمی چیف کو پلانٹڈ خبر سے متعلق ہونے والی تحقیقات سے آگاہ کیا، آئی ایس پی آر

ویب ڈیسک October 28, 2016

حکومتی وفد نے آرمی چیف کو پلانٹڈ خبر سے متعلق ہونے والی تحقیقات سے آگاہ کیا، آئی ایس پی آر۔ فوٹو:فائل

سربراہ پاک فوج جنرل راحیل شریف سے وزیراعلیٰ پنجاب شہباز شریف نے ملاقات کی جس میں وزیرداخلہ چوہدری نثار اور وزیرخزانہ اسحاق ڈار بھی شریک تھے۔

ایکسپریس نیوز کے مطابق وزیراعلیٰ پنجاب شہباز شریف نے آرمی چیف جنرل راحیل شریف سے ملاقات کی جب کہ اس موقع پر وفاقی وزیرداخلہ چوہدری نثار اور وزیرخزانہ اسحاق ڈار بھی شریک تھے۔ ذرائع کے مطابق ملاقات میں سیاسی قیادت نے تازہ ترین ملکی داخلی اور خارجی صورتحال پر تبادلہ خیال کیا۔

پاک فوج کے شعبہ تعلقات عامہ ( آئی ایس پی آر) کے مطابق سربراہ پاک فوج جنرل راحیل شریف سے شہباز شریف، چوہدری نثار اور اسحاق ڈار پر مشتمل سیاسی رہنماؤں کے وفد نے آرمی ہاؤس میں ملاقات کی جب کہ ملاقات میں ڈی جی آئی ایس آئی لیفٹیننٹ جنرل رضوان اختر بھی موجود تھے۔ آئی ایس پی آر کے مطابق سیاسی وفد کی ملاقات سہ پہر 4 سے ساڑھے 5 بجے تک جاری رہی جس میں حکومتی وفد نے آرمی چیف کو قومی سلامتی کے اجلاس کی خبر لیک ہونے کی تحقیقات سے آگاہ کیا جب کہ وفد نے آرمی چیف کو اپنی سفارشات بھی بتائیں۔