بھارت شواہد فراہم کرے تو حافظ سعید کو کل ہی گرفتارکرلیں گےرحمان ملک

دونوں ممالک کو اپنے اختلافات بھلاکرآگے کی طرف دیکھنا ہوگا فوٹو: فائل

---

وزیرداخلہ رحمان ملک نے کہا ہے کہ بھارت شواہدفراہم کرے تو حافظ سعید کو گرفتارکرنے میں دیرنہیں کریں گے۔

نئی دہلی میں بھارتی میڈیا سے بات کرتے ہوئے رحمان ملک نے کہا کہ پاکستان کی جانب سے حافظ سعید کی گرفتاری میں کوئی کوتاہی نہیں برتی جاری ، انہوں نے کہا کہ ممبئی حملوں سے متعلق اگربھارت کے پاس حافظ سعید کے خلاف کوئی ٹھوس ثبوت ہیں تو فراہم کئے جائیں ،حکومت پاکستان حافظ سعید کوگرفتار کرنے میں دیر نہیں کرے گی۔

رحمان ملک نے کہا کہ دونوں ممالک کو اپنے اختلافات بھلاکرآگے کی طرف دیکھنا ہوگا۔ انہوں نے کہا کہ ان کے دورہ بھارت کا مقصدامن اور پیار کا پیغام دینا ہے جس کے لئے دونوں ممالک کی حکومتیں کام کررہی ہیں۔