ISLAMABAD: گزشتہ روز کرسچن کالونی میں زہریلی شراب سے ہلاک ہونے والے افراد کی تعداد 19 ہو گئی۔

ایکسپریس نیوز کے مطابق گزشتہ روز جہلم کے نواحی علاقے کرسچن کالونی میں شادی کی تقریب کے لئے شراب لائی گئی جسے پینے سے 13 افراد ہلاک اور متعدد کی حالت غیر ہو گئی تھی جنہیں طبی امداد کے لئے مختلف اسپتالوں میں منتقل کیا گیا تھا، رات گئے مزید 6 افراد دم توڑ گئے جس کے بعد ہلاکتوں کی تعداد بڑھ کر 19 ہو گئی۔

پولیس نے زہریلی شراب بیچنے والے 4 افراد کے خلاف مقدمہ درج کر لیا ہے اور ملزموں کی گرفتاری کے لئے چھاپے مارے جا رہے ہیں۔