شہر میں کرسمس کی تیاریاں شروع

کرسمس کا تہوار 25 دسمبر کو دنیا بھر کی طرح پاکستان میں بھی جوش و خروش سے منایا جائے گا. فوٹو: فائل

---

مسیحی برادری نے ملک بھر کی طرح کراچی میں بھی کرسمس کی تیاریاں زور و شور سے شروع کردی ہیں۔

کرسمس کا تہوار 25 دسمبر کو دنیا بھر کی طرح پاکستان میں بھی جوش و خروش سے منایا جائے گا ،کرسمس کے موقع پرگرجا گھروں اور مسیحی آبادیوں کو برقی قمقموں سے سجایا جائے گا،مسیحی برادری نے کرسمس کی آمد کے ساتھ ہی اپنے گھروں میں کرسمس ٹریز کو آرائشی سازوسامان سے آراستہ کرنا شروع کردیا ہے، شہر کی بڑی بیکریوں میں کرسمس کیک کے آرڈر دے دیے گئے ہیں اور شہر کے بڑے ہوٹلز میں کرسمس کی تقریبات کیلیے آرڈر بک کرائے جارہے ہیں ،کرسمس کی آمد کے ساتھ ہی شہر کی مارکیٹوں میں رش بڑھ گیا ہے۔