دورہ نیوزی لینڈ کیلیے 16 رکنی قومی ٹیسٹ اسکواڈ کا اعلان

ذوالفقار بابر کو اسکواڈ سے ڈراپ جب کہ شرجیل خان اور محمد رضوان کو شامل کیا گیا ہے۔ فوٹو: فائل

---

قومی ٹیم کے چیف سلیکٹر انضمام الحق نے دورہ نیوزی لینڈ کے لیے 16 رکنی ٹیسٹ ٹیم کا اعلان کردیا۔

پاکستان کرکٹ بورڈ کی آفیشل ویب سائٹ کے مطابق قومی ٹیم کے چیف سلیکٹر انضمام الحق نے دورہ نیوزی لینڈ کے لیے کپتان مصباح الحق کی کپتانی میں 16 رکنی ٹیسٹ ٹیم کا اعلان کردیا جس میں شرجیل خان کو بطور اوپنر پہلی بار ٹیسٹ اسکواڈ میں شامل کیا گیا ہے تاہم احمد شہزاد کو اس بار بھی موقع نہیں دیا گیا۔

Pakistan Test Team Squad announced for New Zealand Tour 2016-17 https://t.co/5dpiO5AAvk

— Pakistan Cricket (@TheRealPCB) October 31, 2016

دورہ نیوزی لینڈ کے لیے ویسٹ انڈیز کے خلاف کھیلنے والے تمام کھلاڑیوں کو 16 رکنی اسکواڈ کا حصہ بنایا گیا ہے تاہم لیفٹ آرم اسپنر ذوالفقار بابر کو اسکواڈ سے ڈراپ کردیا گیا ہے جب کہ نیوزی لینڈ کی کنڈیشن کو مد نظر رکھتے ہوئے ٹیم میں محمد رضوان کو بھی بطور وکٹ کیپر شامل کیا گیا ہے۔

قومی ٹیم میں مصباح الحق (کپتان)، اظہر علی، سمیع اسلم، شرجیل خان، بابراعظم، اسد شفیق، یونس خان، سرفراز احمد، محمد رضوان، یاسر شاہ، محمد نواز، محمد عامر، وہاب ریاض، راحت علی، سہیل خان اور عمران خان شامل ہیں۔