فلم ’’اے دل ہے مشکل‘‘ میں شاہ رخ کی انٹری پر مداحوں کی سینما میں آتشبازی

شاہ رخ خان نے فلم میں ایشوریارائے بچن کے سابق شوہر کا کردار نبھایا ہے ، فوٹو؛ فائل

---

بالی ووڈ اسٹار شاہ رخ خان کے مداحوں نے فلم ''اے دل ہے مشکل'' میں اپنے پسندیدہ اداکار کی ایک جھلک دیتے ہوئے سینما گھر میں آتش بازی کردی۔

بالی ووڈ اسٹار شاہ رخ خان اپنی فلموں''دل والے'' اور ''فین'' کی ناکامی کے باوجود بھی مداحوں کے دلوں پر راج کرتے ہیں یہی وجہ ہے کہ فلموں میں ان کی ایک جھلک دیکھنے کے لیے ان کے مداح کچھ بھی کر گزرنے کو تیار ہوتے ہیں لیکن گزشتہ دنوں ان کے چاہنے والوں نے فلم میں ان کے مناظر آتے ہی سنیما گھر میں ہی آتش بازی شروع کردی۔

فلم''اے دل ہے مشکل''میں رنبیر کپور، فواد خان، ایشوریارائے بچن اور انوشکاشرما نے مرکزی کردار ادا کیا ہے تاہم فلم میں بالی ووڈ کےکنگ شاہ رخ خان بھی مختصر کردار میں جلوہ گر ہوئے ہیں اورفلم میں ایشوریارائے بچن کے سابق شوہر کا کردار نبھایا ہے جب کہ سوشل میڈیا پرایک ویڈیو وائرل ہورہی ہے جس میں شاہ رخ خان کے مداح فلم میں ان کی پہلی جھلک دیکھتے ہی سنیما گھر میں ہی آتش بازی کرکے جشن منارہے ہیں۔

https://twitter.com/GabbbarSingh/status/792992347323637760

دوسری جانب سنیما گھر میں آتش بازی کے واقعے کے بعد سوشل میڈیاز پر بحث کا آغاز ہوگیا ہے اور نامور اداکاروں کے ساتھ ساتھ کئی افراد نے اس فعل پرشدید تنقید کی ہے جس میں نوجوان اداکار سدھارت ملہوترا بھی شامل ہیں۔

https://twitter.com/Actor_Siddharth/status/793008779990138880

واضح رہے کہ بالی ووڈ اسٹار شاہ رخ خان اپنی نئی آنے والی فلم ''رئیس'' کی شوٹنگ میں مصروف ہیں۔