بھارتی فوج کی ایل او سی پر بلا اشتعال فائرنگ سے خاتون سمیت 4 افراد شہید 6 زخمی

بھارتی فوج کی جانب سے نکیال سیکٹر پر فائرنگ کی گئی جس کا بھرپور انداز میں جواب دیا جارہا ہے، آئی ایس پی آر

ویب ڈیسک October 31, 2016

بھارتی فوج کی جانب سے نکیال سیکٹر پر فائرنگ کی گئی جس کا بھرپور انداز میں جواب دیا جارہا ہے، آئی ایس پی آر۔ فوٹو: فائل

بھارتی فوج نے ایک مرتبہ پھر لائن آف کنٹرول کی خلاف ورزی کرتے ہوئے فائرنگ کی جس کے نتیجے میں خاتون سمیت 4 افراد شہید اور 6 زخمی ہوگئے۔

پاک فوج کے شعبہ تعلقات عامہ ( آئی ایس پی آر) کے مطابق آزاد کشمیر میں کوٹلی کے قریب لائن آف کنٹرول کے نکیال سیکٹر پر بھارتی فوج کی جانب سے وقفے وقفے سے فائرنگ کا سلسلہ جاری ہے جس کے نتیجے میں خاتون سمیت 4 افراد شہید اور 6 زخمی ہوگئے۔ آئی ایس پی آر کے مطابق بھارت کی جانب سے صبح 8 بجے لائن آف کنٹرول کی ایک مرتبہ پھر خلاف ورزی کی گئی اور وقفے وقفے سے فائرنگ کی جارہی ہے جس کا بھرپور انداز میں جواب دیا جارہا ہے۔

واضح رہے کہ حواس باختہ بھارت کو سرجیکل اسٹرائیک کے جھوٹے دعوے کے بعد عالمی سطح پر بدنامی کا سامنا ہے جس کے بعد سے بھارتی فوج کی جانب سے مسلسل لائن آف کنٹرول کی خلاف ورزی کی جارہی ہے۔