مریم نواز کا نعیم الحق کو ایک ارب روپے ہرجانے کا قانونی نوٹس

نعیم الحق نے مریم نوازپرسیکیورٹی اجلاس کی خبر لیک کرنے میں ملوث ہونے کا الزام لگایا تھا۔ فوٹو: فائل

---

وزیراعظم نواز شریف کی صاحبزادی مریم نواز نے پاکستان تحریک انصاف کے ترجمان نعیم الحق کو ایک ارب روپے ہرجانے کا قانونی نوٹس بھجوا دیا ہے۔

ایکسپریس نیوز کے مطابق وزیر اعظم نواز شریف کی صاحبزادی مریم نواز نے تحریک انصاف کے ترجمان نعیم الحق کو ایک ارب روپے ہرجانے کا قانونی نوٹس بھجوا دیا ہے۔

اس خبر کو بھی پڑھیں : پاناما لیکس سے مریم نواز کا کوئی تعلق نہ ہوا تو معافی مانگ لوں گا، نعیم الحق

نوٹس میں موقف اختیار کیا گیا ہے کہ نعیم الحق نے ان پرسیکیورٹی اجلاس کی خبر لیک کرنے میں ملوث ہونے کا الزام لگایا جو کہ جھوٹ اور بے بنیاد ہے، نعیم الحق جھوٹ بولنے پر 14 روز میں غیر مشروط معافی مانگیں بصورت دیگر قانونی کارروائی کے لیے تیار ہوجائیں۔

اس خبر کو بھی پڑھیں : مریم نواز کا نعیم الحق کو ایک ارب ہرجانے کا نوٹس بھیجنے کا فیصلہ

واضح رہے کہ پاکستان تحریک انصاف کے ترجمان نعیم الحق نے الزام عائد کیا تھا کہ سیکیورٹی اجلاس کی ہونے والی باتیں مریم نواز نے انگریزی روزنامے کے صحافی کو بتائی تھیں جس پر مریم نواز نے اُن کے خلاف ایک ارب روپے ہرجانے کا دعویٰ دائر کرنے کا فیصلہ کیا تھا۔