دوران احتجاج کارکنان پر تشدد کے ذمہ داران شریف براد ہیں عمران خان

یوتھ فورم کے نوجوانوں پر 5 دن تک بدترین تشدد کیا گیا اور ان کے موبائل، پیسے بھی چھینے گئے، چیرمین پی ٹی آئی، فوٹو؛ فائل

---

PESHAWAR: چیرمین تحریک انصاف عمران خان کا کہنا ہے کہ دھرنے کے دوران یوتھ فورم کے نوجوانوں پر تشدد کیا گیا جس کے ذمہ دار شریف برادران اور وزیرداخلہ ہیں۔

1.Just met 20 PTI youth from KP who were picked up by police in Isl where they had come on my call. They were thrown in Adiala without cause

— Imran Khan (@ImranKhanPTI) November 5, 2016

سماجی رابطے کی ویب سائٹ ٹوئٹر پر اپنے ٹوئٹ میں عمران خان نے بتایا کہ ان سے 2 نومبر کے دھرنے کے دوران پولیس کی جانب سے حراست میں لیے گئے پی ٹی آئی یوتھ فورم کے نوجوانوں نے ملاقات کی۔

2. In Adiala they were thrown in death cells, 10 to a cell with an open toilet. They were subjected to extreme torture for 5 days.

— Imran Khan (@ImranKhanPTI) November 5, 2016

چیرمین پی ٹی آئی نے کہا کہ ان نوجوانوں کو بغیر کسی وجہ کے اڈیالہ جیل میں سزائے موت والی حوالات میں رکھا گیا اور 5 دن تک ان پر بدترین تشدد کیا گیا۔

3. These boys had their cell phones & money taken away by the police. They were only released after our jalsa ended. This is PMLN democracy

— Imran Khan (@ImranKhanPTI) November 5, 2016

عمران خان کا کہنا تھا کہ نوجوانوں سے موبائل فون اور پیسے بھی چھین لیے گئے جو انہیں واپس نہیں کیے گئے اور انہیں ہمارے جلسہ ختم ہونے کے بعد رہا کیا گیا، یہ ہے مسلم لیگ (ن) کی جمہوریت۔

4. I hold Nawaz, Shabaz, Nisar and both fed and provincial police responsible for this fascism of the worst kind inflicted on our youth.

— Imran Khan (@ImranKhanPTI) November 5, 2016

چیرمین پی ٹی آئی نے کہا کہ کارکنان پر بدترین تشدد کے ذمہ دار وزیراعظم نوازشریف، وزیراعلیٰ پنجاب شہباز شریف، وزیرداخلہ چوہدری نثار سمیت صوبائی و وفاقی حکومت کو قرار دیتا ہوں۔

واضح رہے تحریک انصاف نے پاناما لیکس کے معاملے پر 2 نومبر کو اسلام آباد میں دھرنے کی کال دی تھی اس دوران پولیس اور ایف سی کی جانب سے پی ٹی آئی کے درجنوں کارکنان کو حراست میں لیا گیا تاہم سپریم کورٹ کے حکم کے بعد انہوں نے دھرنا ختم کرکے یوم تشکر منانے کا اعلان کیا تھا۔