الیکشن کمیشن آف پاکستان نے کراچی میں نئی حلقہ بندیوں پرتمام سیاسی جماعتوں کواعتمادمیں لینے کا فیصلہ کرلیاہے۔

اس سلسلے میں20 دسمبرکو الیکشن کمیشن اسلام آباد سیکریٹریٹ میں سیاسی جماعتوں کے نمائندوں کااہم اجلاس ہوگا۔

اجلاس کی صدارت چیف الیکشن کمشنرجسٹس(ر)فخر الدین جی ابراہیم کی زیرصدارت ہوگاجس میں شرکت کیلیے تمام سیاسی جماعتوں کوخطوط ارسال کردیے گئے۔ذرائع کے مطابق سیاسی جماعتوں کولکھے گئے خط میں کہاگیاکہ ہر سیاسی جماعت اجلاس میں اپنے 2 نمائندوں کو شرکت کیلیے بھیجے۔