امریکی ریاست نواڈا میں ٹرمپ کی ریلی میں ہنگامہ آرائی

PERTH:
امریکی ریاست نواڈا میں ریپبلکن پارٹی کے صدارتی امیدوار ڈونلڈ ٹرمپ کی ریلی میں اس وقت ہنگامہ آرائی ہو گئی جب ٹرمپ کا ایک مخالف شخص تقریب میں گھس آیا اور اس نے اسٹیج کی طرف بڑھنے کی کوشش کی۔

غیر ملکی خبر رساں ادارے کے مطابق امریکی صدارتی انتخابات کے لئے ریپبلکن پارتی کے امیدوار ڈونلڈ ٹرمپ ریاست نواڈا میں ایک ریلی سے خطاب کر رہے تھے کہ اس دوران ان کا ایک مخالف ریلی میں گھس آیا اور ٹرمپ کی طرف بڑھنے کی کوشش کی جس پر سیکرٹ سروس کے اہلکار فورا ٹرمپ کو اسٹیج سے لے گئے اور گڑبڑ کرنے والے شخص کو بھی گرفتار کر لیا۔


اس خبر کو بھی پڑھیں: ڈونلڈ ٹرمپ کی ریلی میں جھڑپ

مخالف شخص کی گرفتاری کے بعد جب حالات نارمل ہو گئے تو ڈونلڈ ٹرمپ تقریر کرنے واپس آئے اور سیکرٹ سروس کا شکریہ ادا کیا۔ ان کا کہنا تھا کہ میں نے کبھی نہیں کہا کہ میری جدوجہد آسان ہے۔