ڈونلڈ ٹرمپ امریکا کے 45 ویں صدر منتخب

ہلیری کلنٹن اور ڈونلڈ ٹرمپ نے نیویارک میں ووٹ کاسٹ کئے۔ فوٹو: فائل

---

ری پبلکن پارٹی کے امیدوار ڈونلڈ ٹرمپ 45 ویں امریکی صدر منتخب ہو گئے ہیں۔

[poll id="1261"]



امریکی صدر منتخب ہونے کے بعد ڈونلڈ ٹرمپ کا اپنے پہلے بیان میں کہنا تھا کہ صدر منتخب کرنے پر عوام کا شکر گزار ہوں، عوامی حمایت اور رائے کے ساتھ مل کر ملک کے لئے کام کریں گے، امریکا کو بدلنا ہے اور اسے ایک مرتبہ پھر سے ایک عظیم ریاست بنانا ہے۔ ان کا کہنا تھا کہ ہلیری کلنٹن کے خلاف انتخابی مہم بہت مشکل تھی اور انتخابات میں کامیابی کے بعد انہوں نے مجھے ٹیلی فون کر کے جیت کی مبارکباد دی۔

اس خبر کو بھی پڑھیں: عوام کے ساتھ مل کر امریکا کو ایک بار پھر مضبوط بنائیں گے، نومنتخب امریکی صدر



امریکا کے 45 ویں صدر کو منتخب کرنے کے لئے پولنگ کا آغاز روایتی طور پر ریاست نیو ہیمپشائر کے 3 قصبوں سے ہوا جہاں ووٹر اجتماعی طور پر پولنگ اسٹیشنز پہنچے اور انہوں نے اپنا حق رائے دہی استعمال کیا جس کے بعد مختلف ریاستوں میں بتدریج ووٹنگ ہوئی۔ ڈیموکریٹک پارٹی صدارتی امیدوار ہلیری کلنٹن نے اپنے شوہربل کلنٹن کے ہمراہ نیویارک میں اپنی رہائشگاہ کے قریب واقع ایلیمنٹری اسکول میں اپنا ووٹ کاسٹ کیا۔ ریپبلکن پارٹی کے امیدوار ڈونلڈ ٹرمپ نے بھی نیویارک میں اپنی اہلیہ کے ہمراہ ووٹ کاسٹ کیا۔





نتائج کے مطابق ڈونلڈ ٹرمپ 289 الیکٹورل ووٹ حاصل کیے جب کہ ہلیری کو اب تک 218 الیکٹرل ووٹ ملے۔



اس خبر کو بھی پڑھیں: امریکا کیلئے ٹرمپ کے ساتھ مل کر کام کرنے کو تیار ہیں، ہلیری کلنٹن



ڈونلڈ ٹرمپ ٹیکساس سے38، فلوریڈا سے 29، اوہائیو سے 18، آرکنساس سے 6، اوکلاہاما سے7، ٹینیسی سے11، میسی سپی سے6، جنوبی کیرولینا سے 9 اور ایلاباما سے9 الیکٹورل ووٹ ٹرمپ حاصل کرکیے۔ وایو منگ کے 3، نبراسکا کے 4، نارتھ ڈکوٹا کے 3 اور جنوبی ڈکوٹا کے 3 الیکٹورل ووٹ بھی ٹرمپ نے جیت لئے جب کہ انڈیانا، کنیکٹی اور مغربی ورجینیا میں بھی ڈونلڈ ٹرمپ کامیاب قرار پائے۔



ہلیری کلنٹن نے امریکی ریاست کیلی فورنیا سے 55، نیویارک سے 29، ایلانوئے سے20، نیوجرسی سے 14، میساچیوسٹس سے11، میری لینڈ سے10، ڈیلاوائر سے 3 اور ڈی سی واشنگٹن سے 3 الیکٹورل ووٹ ہلیری کلنٹن لے اڑیں۔ میری لینڈ کے 10، ڈیلاوائر کے 3 اور ڈی سی واشنٹنگن کے 3 الیکٹورل ووٹ بھی ہلیری کلنٹن کے حصے میں آئے۔



اس خبر کو بھی پڑھیں: ڈونلڈ ٹرمپ کی کامیابی پر دنیا بھر کے سربراہان مملکت کا ملا جلا رد عمل



ڈونلڈ ٹرمپ کی فتح کی خبریں سامنے آتے ہی ڈالر کی قیمت گر گئی جب کہ ٹوکیو اسٹاک مارکیٹ میں بھی ساڑھے 5 فیصد کمی دیکھنے میں آئی۔ اس کے علاوہ پاکستان اسٹاک ایکسچینج میں بھی شدید مندی دیکھنے میں آئی اور 750 پوائنٹس گر گئے، کینیڈین امیگریشن سائٹ اور ایشنین اسٹاک مارکیٹ بھی کریش کر گئیں۔ ادھر امریکی صدارتی انتخابات کے نتائج سامنے آنے کے بعد ڈونلڈ ٹرمپ کے کیمپ آفس کے باہر جمع لوگوں نے 'ہلیری کلنٹن کو گرفتار کرو' کے نعرے لگانا شروع کر دیئے جب کہ ہلیری کلنٹن کے کیمپین منیجر نے اپنے ووٹرز سے کہا کہ وہ گھروں کو روانہ ہو جائیں، ہلیری کلنٹن آج تقریر نہیں کریں گی اور نتائج کا آخری وقت تک انتظار کیا جائے گا۔

اس خبر کو بھی پڑھیں: ٹرمپ کی جیت پر دنیا بھر میں مندی

واضح رہے کہ امریکی صدر کا انتخاب الیکٹورل کالج کے ذریعے بالواسطہ طور پر ہوتا ہے اور جیتنے والے صدارتی امیدوار کو حتمی کامیابی کے لیے 538 الیکٹورل ووٹوں میں سے کم از کم 270 ووٹ حاصل کرنا ہوتے ہیں۔