جیت کے بعد میرے خلاف مظاہرے انتہائی غیر منصفانہ ہیں ڈونلڈ ٹرمپ

امریکی صدارتی الیکشن ایک دم شفاف تھے جس کے بعد کامیابی ملی، ڈونلڈ ٹرمپ فوٹو: فائل

---

نو منتخب امریکی صدر ڈونلڈ ٹرمپ کا کہنا ہے کہ میڈیا پیشہ ور مظاہرین کو بھڑکا رہا ہے جو ان کے خلاف مظاہرے کررہے ہیں اور یہ انتہائی غیر منصفانہ ہے۔

نومنتخب امریکی صدر ڈونلڈ ٹرمپ صدارتی انتخابی مہم کے دوران بھی کئی مشکلات کا شکار رہے کبھی متنازع ویڈیو کی وجہ سے تنقید کا سامنا رہا تو کبھی اپنی مخالف ہیلری سے مباحثے ہارنے کے بعد مقبولیت میں کمی کی وجہ سے پریشانی کا شکار رہے تاہم تمام پریشانیوں کے باوجود ڈونلڈ ٹرمپ صدر کے منصب پر فائز ہونے میں کامیاب ہو ہی ہوگئے لیکن پریشانیاں ٹرمپ کا پیچھا چھوڑنے کا نام ہی نہیں لے رہی ہیں۔

اس خبر کو بھی پڑھیں : نومنتخب امریکی صدر ڈونلڈ ٹرمپ کی اوباما سے ملاقات

Just had a very open and successful presidential election. Now professional protesters, incited by the media, are protesting. Very unfair!

— Donald J. Trump (@realDonaldTrump) November 11, 2016

امریکی صدارتی الیکشن کے نتائج کے بعد ٹرمپ کے خلاف خود امریکا میں مظاہرے پھوٹ پڑے، امریکی ریاستوں اوریگا، نیویارک، ٹیکساس، ٹینیسی میں ہزاروں افراد نے ڈونلڈ ٹرمپ کے خلاف شدید نعرے بازی کی۔ اپنے خلاف ہونے والےمظاہروں پر ٹرمپ بھی خاموش نہ رہ سکے اور سماجی رابطے کی سائٹ پر اپنی ٹوئٹ میں میڈیا کو ان مظاہروں کا زمہ دار قرار دے دیا۔

اس خبرکو بھی پڑھیں : ڈونلڈ ٹرمپ کے صدر بنتے ہی امریکا میں مظاہرے پھوٹ پڑے

نومنتخب امریکی صدر ڈونلڈ ٹرمپ نے اپنی ٹوئٹ میں کہا کہ صدارتی الیکشن ایک دم شفاف تھے جس کے بعد انہیں کامیابی ملی تاہم اب میڈیا پیشہ ور مظاہرین کو بھڑکا رہا ہے جو ان کے خلاف مظاہرے کررہے ہیں اور یہ انتہائی غیر منصفانہ ہے۔