خورشید شاہ بیگمات کے بناؤ سنگھار سے پریشان

سوچ رہا ہوں بیوٹیشن کا کورس کرلوں جس سے ماہوار 10 ہزار روپے بچت ہوجائے گی، اپوزیشن لیڈر، فوٹو؛ فائل

---

شادی کے بعد بناؤ سنگھار پر بیوی کے خرچے سے صرف عام آدمی ہی پریشان نہیں ہوتا آج کل کے سیاستدان بھی اپنی بیگمات کے اس بناؤ سنگھار سے پریشان ہیں جس کا اظہار اپوزیشن لیڈر خورشید شاہ نے بھی برملا کیا ہے۔

سکھر میں تقریب سے خطاب کرتے ہوئے اپوزیشن لیڈر خورشید شاہ نے کہا کہ آج کل کے دور میں ہمارا آدھا بجٹ بیگمات کے بناؤ سنگھار میں ہی خرچ ہوجاتا ہے،انہیں ناخن تراشنے کے لیے بھی بیوٹیشن کے پاس جانا پڑتا ہے اس لیے جس نے بیوٹیشن کا کورس سیکھ لیا اس کی 7 پشتیں مزے کریں گی۔ انہوں نے کہا کہ میری بھی 2 بیویاں ہیں سوچ رہا ہوں کہ بیوٹیشن کا کورس کرلوں، 10 ہزار روپے ماہوار بچت ہوجائے گی۔