ڈیرہ اسماعیل خان ای ڈی او ہیلتھ ڈاکٹرعاشق اغوا کے بعد گھر پہنچ گئے

مغوی ای ڈی او ڈاکٹر عاشق سلیم اور دیگر اہلکاروں کو اغواء کار رات گئے بنوں اور لکی مروت کے سرحدی علاقے میں چھوڑ گئے . فوٹو: فائل

---

ISLAMABAD: ای ڈی او ہیلتھ ڈاکٹر عاشق سلیم اغواء کاروں کے چنگل سے آزاد ہو کر گھر پہنچ گئے۔

ڈیرہ اسماعیل خان کے ای ڈی او ہیلتھ ڈاکٹر عاشق سلیم کو ٹیکنیشن عطاء اللہ اور ڈرائیور جاوید سمیت ایک ہفتہ پہلے کوہاٹ کے قریب اغواء کیا گیا تھا وہ پشاور میں سرکاری کام نبٹانے کے بعد واپس ڈیرہ اسماعیل خان جا رہے تھے، مغوی ای ڈی او ڈاکٹر عاشق سلیم اور دیگر اہلکاروں کو اغواء کار رات گئے بنوں اور لکی مروت کے سرحدی علاقے میں چھوڑ گئے جہاں مقامی لوگوں کے تعاون سے تمام افراد بحفاظت اپنے گھروں کو پہنچ گئے۔