جعلی ڈگری کیس رکن قومی اسمبلی ہمایوں عزیز کرد کے وارنٹ گرفتاری جاری

جعلی ڈگری کیس میں عدالت میں عدم حاضری پر رکن قومی اسمبلی ہمایوں عزیز کرد کے خلاف ناقابل ضمانت وارنٹ گرفتاری جاری کردیئے گئے۔


بلوچستان کے رکن اسمبلی سردار یار محمد رند نے ہمایوں عزیز کرد کی ڈگری چینلج کی تھی جس کے بعد الیکشن کمیشن نے کیس سبی کی سیشن عدالت کو بھیج دیا تھا۔

گزشتہ روز سماعت کے دوران ہمایوں عزیز کرد پیش نہیں ہوئے جس پر ان کے ناقابل ضمانت وارنٹ گرفتاری جاری کر دیئے گئے، عدالت نے ان کے ضامن کو بھی نوٹس جاری کر دیئے گئے، کیس کی سماعت 3 جنوری تک ملتوی۔