ایم کیوایم کا کراچی میں حلقہ بندیوں کے فیصلے پرنظرثانی کی اپیل دائر کرنے کا فیصلہ

ایم کیوایم کے سینیٹربیرسٹرفروغ نسیم نے کہا ہے کہ کراچی میں حلقہ بندیوں سے متعلق سپریم کورٹ کے فیصلے پرنظرثانی کی اپیل دائر کریں گے۔


ایکسپریس نیوز سے گفتگو کرتے ہوئے ایم کیو ایم کے سینیٹر بیرسٹر فروغ نسیم نے کہا کہ نئی حلقہ بندیوں کے حوالے سے دائر کی جانے والی پٹیشن پر ابھی مشاورت جاری ہے اورآئندہ چند دنوں میں اس حوالے سے نظر ثانی کی درخواست سپریم کورٹ میں دائر کردی جائے گی۔

واضح رہے کہ سپریم کورٹ نے ایک فیصلے میں الیکشن کمیشن کو حکم دیا تھا کہ کراچی میں حلقہ بندیوں اورووٹرز کی تصدیق کے لئے فوج اورایف سی کی مدد لی جائے.

سپریم کورٹ کے فیصلے کے بعد 13دسمبر کو الیکشن کمیشن کا اجلاس چیف الیکشن کمشنرجسٹس (ر) فخرالدین جی ابراہیم کی صدارت میں منعقد ہوا جس میں کراچی میں حلقہ بندیوں اورفوج کی مدد سے ووٹرز کی تصدیق کا فیصلہ کیا گیا۔