محمد آصف کو ملک ریاض کی جانب سے گاڑی اور ملازمت کا تحفہ

ملک ریاض نے محمد آصف کو نئی کار کی چابی تحفے میں دی اور ساتھ ہی گلدستہ بھی پیش کیا۔ فوٹو: وسیم عمران/ ایکسپریس

---

عالمی اسنوکر چیمپئین محمد آصف کو بحریہ ٹاؤن کے سابق چئیرمین ملک ریاض نےتحفے میں نئی گاڑی اور پر کشش مراعات کے ساتھ ملازمت بھی دینے کا وعدہ کیا۔

راولپنڈی بحریہ ٹاؤن میں منعقدہ تقریب میں ملک ریاض نے محمد آصف کو نئی کار کی چابی تحفے میں دی اور ساتھ ہی گلدستہ بھی پیش کیا۔

محمد آصف نے ملک ریاض کا شکریہ ادا کیا اور کہا کہ وہ بحریہ ٹاؤن میں اسنوکر کلب کی سرپرستی کرتے ہوئے نوجوان نسل کو اسنوکر کھیلنے کی تربیت بھی دیں گے۔ ملک ریا ض نے کہا کہ وہ محمد آصف کو مزید کامیابیاں حاصل کرنے پر گھر بھی تحفے میں دیں گے۔