بالی وڈ کے تینوں خانز کے ساتھ کام کرنا چاہتی ہوں سونم کپور

سلمان اور عامر کے ساتھ رول ادا کرنے کے لیے بے تاب ہوں،سونم کپور۔ فوٹو: فائل

---

NEW DEHLI: بالی ود اداکارہ سونم کپورکی شدید خواہش ہے کہ وہ بالی وڈ کے خانوں کے مقابل مرکزی کردار ادا کریں۔

وہ چاہتی ہیں کہ انھیں تین بڑے خانوں کے ساتھ فلموں میں کاسٹ کیا جائے جو ان کا دیرینہ خواب بھی ہے وہ خصوصی طور پر سلمان اور عامر کے ساتھ ترجیحی طور پر رول ادا کرنے کے لیے بے تاب ہیں انھوں نے ایک انٹرویو میں بتایا کہ وہ دلی خواہش رکھتی ہیں کہ تینوں عظیم خانوں کے ہمراہ فلموں میں جلوہ گر ہوں اور یہی نہیں بلکہ تمنا تو یہ ہے کہ یہ تینوں ایک ہی فلم میں ان کے ساتھ کردار ادا کریں۔

تاہم یہ اگر ممکن نہ ہو تو پھر جس کے ساتھ بھی موقع ملے گا وہ فوری طور پر اپنی خدمات پیش کردیں گی وہ چاہتی ہیں کہ عامر خان انھیں ڈائریکٹ کریں جو کہ میری پسندیدہ فلم تارے زمین پر پیش کرچکے ہیں انھوں نے کہا کہ وہ انھیں بطور ڈائریکٹر بہت بلند درجہ دیتی ہیں کیونکہ وہ سمجھتی ہیں جو بھی فنکار ان کے سامنے رول کرتا ہے اسے وہ بغور دیکھتے ہیں اور ان کی اصلاح کرتے ہیں اور وہ چاہتی ہیں کہ ان کی یہ صلاحیت ان کو بھی حاصل ہو جائے۔