وسیم اکرم کی والدہ کے گھر ملازماؤں کی کارروائی زیورات اور نقدی لے اڑیں

قومی کرکٹ ٹیم کے سابق کپتان وسیم اکرم کی والدہ کے گھر کام کرنے والی 2 ملازماؤں نے انہیں نشہ آور مشروب پلا کر گھر کا صفایا کردیا۔


ایکسپریس نیوز کے مطابق سابق ٹیسٹ کرکٹر وسیم اکرم کی والدہ لاہور کے علاقے گارڈن ٹاؤن میں رہائش پذیر ہیں جہاں ان کی دو نوکرانیوں نے انہیں گزشتہ روز چائے میں نشہ آور چیز ملا کر دی جسے پی کر وہ بیہوش ہوگئیں جس کے بعد ایمان اور فاطمہ نامی نوکرانیوں نے بلاخوف پورے گھر کی تلاشی لی جس کے بعد وہ زیورات اور نقدی لے اڑیں۔

ذرائع کے مطابق وسیم اکرم کی والدہ گھر میں اکیلی رہتی ہیں جہاں ان کی تیمارداری کے لئے 2 ملازماؤں کو تین روز قبل ہی ملازمت پر رکھا گیا تھا لیکن ایمان اور فاطمہ نے وسیم اکرم کی والدہ کو اکیلا پا کر الماری کے خفیہ خانوں میں رکھے 10 لاکھ روپے مالیت کے زیورات اور 70 ہزار روپے نقدی لے کر رفو چکر ہوگئیں۔