جرمن کمپنی نے بھی پاکستان میں کار سازی کے لیے درخواست دےدی

پاکستان ان 57ممالک میں سے ایک ہے جہاں آڈی اے جی کی نمائندگی مجاز امپورٹر کر رہا ہے۔

بلال میمن November 15, 2016

پاکستان ان 57ممالک میں سے ایک ہے جہاں آڈی اے جی کی نمائندگی مجاز امپورٹر کر رہا ہے۔ فوٹو: فائل

پاکستان حقیقت میں بین الاقوامی سرمایہ کاروں کے ریڈار پر ہے، طویل عرصے سے جاپانی پلیئرز کے غلبے میں رہنے والی آٹوانڈسٹری اب تشکیل نو کے لیے تیار ہے، حالیہ پیشرفت میں جرمن کار میکر آڈی اے جی نے پاکستان میں اسمبلی پلانٹ قائم کرنے کے لیے دلچسپی کا اظہار کر دیا ہے اور پاکستان میں اپنے مجاز درآمدکنندہ کے ذریعے سرمایہ کاری بورڈ (بی او آئی) کو سوچ بچار کے لیے اظہار دلچسپی کی پیشکش جمع کرادی ہے۔

پاکستان میں آڈی اے جی کے مجاز امپورٹر پریمیر سسٹمز پرائیویٹ لمیٹڈ کے آٹوموٹیو ہیڈ علی خان نے ''ٓایکسپریس ٹریبیون'' کو انٹرویو میں مذکورہ پیشرفت کی تصدیق کردی اور کہاکہ آڈی اے جی نے پاکستان میں اپنے مجاز درآمدکنندگاہ کے ذریعے ملک میں اسمبلی پلانٹ قائم کرنے کے لیے دلچسپی کا اظہار کردیا ہے، پلانٹ کے لیے پاکستان کے بڑے صنعتی علاقے کے قریب کورنگی (کراچی) میں زمین خرید لی گئی ہے۔ یاد رہے کہ آڈی اے جی کی مختلف ممالک میں نمائندگی مجاز درآمدکنندہ یا اسمبلی/ مینوفیکچرنگ پلانٹس کرتے ہیں تاہم پلانٹس کی صورت میں سرمایہ کاری مذکورہ لگژری برانڈ کی مناسب طلب کے بعد آٹی ہے، پاکستان ان 57ممالک میں سے ایک ہے جہاں آڈی اے جی کی نمائندگی مجاز امپورٹر کر رہا ہے۔

انھوں نے بتایا کہ آڈی اے جی نے پاکستان پر پوٹینشل مارکیٹ کے طور پر غور کرنے کے لیے پہلے رواں سال مئی میں سندھ بورڈ آف انویسٹمنٹ (ایس پی آئی) کے ساتھ مفاہمتی یادداشت (ایم اویو) پر دستخط کیے گئے تھے، ہم نے اس کے قابل عمل ہونے کا جائزہ لینے کے لیے (مارچ میںمنظوری کی گئی ) آٹوموٹیو پالیسی کا مطالعہ کیا اور ساڑھے 3ماہ کے بعد آڈی اے جی کی جانب سے پاکستان میں گاڑیوں کی اسمبلنگ کی خواہش ظاہر کرنے کے لیے اظہاردلچسپی کا خط لکھا۔