سابق صدر اور شریک چیرمین پیپلزپارٹی آصف زرداری کی صاحبزادی آصفہ بھٹو زرداری بلاول ہاؤس میں چہل قدمی کرتے ہوئے گر پڑیں جس سے ان کے پیر میں چوٹ آگئی۔

ایکسپریس نیوز کے مطابق آصفہ بھٹو زرداری بلاول ہاؤس لاہور میں چہل قدمی کررہی تھیں کہ اس دوران ان کا پاؤں پھسل گیا جس سے وہ توازن برقرار نہ رکھ سکیں اور گر پڑیں جس کے باعث ان کے پیر میں چوٹ لگ گئی اور انہیں اسپتال منتقل کیا گیا۔

اسپتال میں ڈاکٹروں نے آصفہ بھٹو زرداری کے پاؤں کا مکمل معائنہ اور ٹیسٹ کیے جس کے بعد پاؤں پر پلاستر کردیا گیا۔ ڈاکٹرز نے آصفہ بھٹو زرداری کو مکمل آرام کا مشورہ دیا ہے۔