غیر آئینی اقدامات سے ملک مزید بحرانوں کا شکار ہوگا مولانا فضل الرحمان

ڈرون حملوں پر خارجہ پا لیسی پارلیمنٹ کی قرار داد کی نفی کر رہی ہے، فضل الرحمان. فوٹو: پی پی آئی/ فائل

---

جمعیت علمائے اسلام(ف) کے سربراہ مولانا فضل الرحمان نے کہاہے کہ انتخابات میں کوئی تاخیری حربہ استعمال نہیں ہوناچاہئے ماورائے آئین اقدامات سے مزید بحران پیدا ہوں گے۔

اسلام آباد میں مولانا فضل الرحمان سے پارٹی کے رہنماؤں نے ملاقات کی۔ اس موقع انہوں نے کہا کہ ملک اس وقت بڑے بحرانوں کا شکار ہے بدقسمتی سے حکومت نے آنکھیں بند کی ہوئیں ہیں اور حکومت عوامی مسائل نہ حل کرکے عوامی تائید حاصل نہیں کرسکتی۔

مولانا فضل الرحمان نے کہا کہ حکومت کی غلط پالیسیوں کی وجہ سے وطن عزیز مسلسل بحرانوں کی طرف بڑھ رہاہے۔ قبائلی علاقوں پر ڈرون حملوں پر صرف احتجاج ہی مسئلے کا حل نہیں ہے حکومت کی خارجہ پا لیسی پارلیمنٹ کی قرار داد کی نفی کر رہی ہے

جے یو آئی کے سربراہ کا کہنا تھا ان کی جماعت ملک میں اسلام کے نفاذ کے لئے اپنی جد وجہد کو آگے بڑھا رہی ہےاس سلسلے میں انتخابا ت میں سیکولر قوتوں کا ڈٹ کر مقابلہ کریں گے۔