دہشت گردی کاخاتمہسی پیک کی تکمیل نئے آرمی چیف بھی جنرل راحیل کی پالیسیوں کاتسلسل برقراررکھیں گے

ملک میں آپریشن ضرب عضب اور کراچی آپریشن بھی مکمل اہداف کے حصول تک جاری رہے گا

عامر خان November 22, 2016

ملک میں آپریشن ضرب عضب اور کراچی آپریشن بھی مکمل اہداف کے حصول تک جاری رہے گا: فوٹو: فائل

پاک فوج کے نئے سربراہ بھی دہشت گردی کے خلاف جاری آپریشنز،پاک چین اقتصادی راہداری سمیت اہم عسکری پالیسیوں کو بھرپور اندازمیں جاری رکھیںگے،نئے آرمی چیف کی اہم پالیسی بھی ملک سے دہشت گردی وانتہا پسندی کا خاتمہ ہوگا ،موجودہ آرمی چیف جنرل راحیل شریف نے ملک کے دفاع،سی پیک کی تکمیل ،مختلف ممالک سے فوجی سطح کے رابطوں اور اہم قومی امور پر جو پالیسیاں اختیار کی ہیں ۔نئے آرمی چیف بھی ان پالیسیوں کاتسلسل برقراررکھیں گے۔

اہم ذرائع کا کہنا ہے کہ بھارتی فورسز کی سرحدی خلاف ورزیوں کا سخت سے سخت جواب بھی نئی آرمی چیف کی پالیسی کا اہم ہوگا ،موجودہ آرمی چیف جنرل راحیل شریف نے ہمیشہ فوج کو سیاسی امور سے دور رکھا اور وفاقی حکومت کے ساتھ بہترین ورکنگ ریلیشن شپ کے تحت کام کرنے کی پالیسی اختیار کی جو پاک فوج کے نئے سربراہ کی پالیسی کا حصہ ہوگی ،نئی آرمی چیف بھرپور انداز میں وفاقی حکومت کے ساتھ مل کر جنوبی وشمالی وزیرستان سے نقل مکانی کرنے والے متاثرین کی آبادی کاری کیلیے مذید اقدام کریں گے۔

ملک میں آپریشن ضرب عضب اور کراچی آپریشن بھی مکمل اہداف کے حصول تک جاری رہے گا۔ پاک فوج کے نئے سربراہ ملک سے دہشت گردتنظیموں ،عسکری ونگر،سہولت کاروں اور مالی معاونین کے خلاف مذید سخت اقدام کریں گے،نئے آرمی چیف کا عزم وپالیسی بھی عظیم تر ملکی معاشی منصوبے سی پیک کی تکمیل ہوگا۔پاک فوج کے نئے سربراہ بھی ملک میں قیام امن کیلیے وفاقی وصوبائی حکومتوں کے ساتھ بھرپور تعاون کی پالیسی کومربوط انداز جاری رکھیں گے ۔