مقبوضہ کشمیر میں مسلح افراد کے حملے میں 3 بھارتی فوجی ہلاک

لائن آف کنٹرول کے قریب ماچل سیکٹر میں فوجی قافلہ گشت پر تھا کہ مسلح افراد نے اچانک حملہ کردیا،بھارتی میڈیا، فوٹو:فائل

---

ضلع کپوارا میں لائن آف کنٹرول کے قریب مچال سیکٹر میں مسلح افراد 3 بھارتی فوجیوں کو قتل کرنے کے بعد فرار ہوگئے۔

بھارتی میڈیا کے مطابق لائن آف کنٹرول کے قریب مچال سیکٹر میں فوجی قافلہ گشت پر تھا کہ مسلح افراد نے اچانک حملہ کردیا جس کے نتیجے میں 3 فوجی ہلاک ہوگئے جب کہ حملہ آور جنگل کا فائدہ اٹھاتے ہوئے فائرنگ کے بعد فرار ہونے میں کامیاب ہوگئے۔

بھارتی فوج کی شمالی کمانڈ کے ترجمان نے ٹوئٹر پر فوجیوں کی ہلاکت کی تصدیق کرتے ہوئے بتایا کہ نامعلوم افراد کے حملے میں 3 فوجی ہلاک ہوگئے جن میں سے ایک فوجی کی لاش مسخ شدہ ہے۔

#JKOps 3 soldiers killed in action on LC in Machhal. Body of one soldier mutilated, retribution will be heavy for this cowardly act @adgpi

— NORTHERN COMMAND - INDIAN ARMY (@NorthernComd_IA) November 22, 2016