معروف گلوکار جسٹن بیبر نے مداح کو لہولہان کردیا

جسٹن بیبر کو بارسلونا میں کنسرٹ کے لیے جاتے ہوئے مداح نے گاڑی میں ہاتھ ڈال کر چھونے کی کوشش کی، فوٹو:فائل

---

معروف کینیڈین گلوکار جسٹن بیبر نے مداح کو مکا رسید کرکے لہولہان کردیا۔



گلوکار جسٹن بیبراسپین کے شہر بارسلونا میں کنسرٹ کے لیے جارہے تھے کہ مداح نے گاڑی میں ہاتھ ڈال کر انہیں چھونے کی کوشش کی جس پر گلوکار نے نوجوان کو زور دار مکا رسید کردیا جس سے اس کا ہونٹ پھٹ گیا اور منہ سے تیزی سے خون جاری ہوگیا تاہم وہاں موجود افراد کی جانب سے پورے واقعے کی ویڈیو بنائی گئی ہے جو تیزی سے سوشل میڈیا پر وائرل ہورہی ہے۔



 

واقعے کی ویڈیو وائرل ہونے کے بعد سوشل میڈیا پر جسٹن بیبر کے منفی رویے پر ایک بار پھر بحث کی جارہی ہے اور گلوکار کو مداح کے ساتھ ناروا سلوک کرنے پر تنقید کا نشانہ بنایا جارہا ہے۔


واضح رہے کہ گلوکار جسٹن بیبر کئی بار اپنی غیر اخلاقی حرکتوں اور منفی رویے کے باعث خبروں کی زینت بن چکے ہیں۔