کراچی میں حلقہ بندیوں سے متعلق الیکشن کمیشن کا اجلاسپی پی اورایم کیوایم کے تحفظات

کراچی میں نئی حلقہ بندیوں پر الیکشن کمیشن کے اجلاس میں ایم کیو ایم اور پیپلز پارٹی نے صرف کراچی میں حلقہ بندیوں کے فیصلے پر تحفظات کا اظہار کیا۔


چیف الیکشن کمشنر جسٹس (ر) فخر الدین جی ابراہیم کی سربراہی میں الیکشن کمیشن میں سیاسی جماعتوں کا اہم مشاورتی اجلاس ہوا، اس موقع پر ایم کیو ایم کے پارلیمانی لیڈر فاروق ستار نے کراچی میں حلقہ بندیوں پر شدید اعتراض کیا اور کہا صرف کراچی میں حلقہ بندیاں آئین کی خلاف ورزی ہے۔

ذرائع کا کہنا ہے پیپلز پارٹی کے رہنما تاج حیدر نے مؤقف اختیار کیا کہ حلقہ بندیوں کے مسئلے کا ایسا حل نکالا جائے کہ شہر کے حالات خراب نہ ہوں جبکہ مسلم لیگ(ن) ، جماعت اسلامی سمیت دیگر جماعتوں نے الیکشن کمیشن کے فیصلے کی حمایت کی، ایم کیو ایم کے تحریری اعتراضات داخل کرانے پر الیکشن کمیشن نے دیگر جماعتوں سے بھی ایک ہفتے میں حلقہ بندیوں پر تحریری تجاویز طلب کر لیں۔