شاہ رخ کی ’’ڈیئرزندگی‘‘ نے 20 کروڑ کمالیے

NEW YORK:
شاہ رخ خان اور عالیہ بھٹ کی فلم '' ڈیئرزندگی'' باکس آفس پر اچھا بزنس کرنے میں کامیاب ہوگئی ہے اور فلم نے 2 دن میں 20 کروڑ کمالیے ہیں۔

بالی ووڈ اسٹار شاہ رخ خان اور نوجوان اداکارہ عالیہ بھٹ کی فلم ''ڈیئرزندگی'' فلم بینوں کو متاثر کرنے میں کامیاب ہوگئی ہے جس کے باعث مداح بڑی تعداد میں سنیما گھروں کا رخ کررہے ہیں۔

گوری خان، کرن جوہر اور ایس آر کی مشترکہ پروڈکشن میں بننے والی فلم نے نمائش کے پہلے روز بھارت میں 8 کروڑ 75 لاکھ اور دوسرے روز 11 کروڑ 25 لاکھ کمائی کرکے 20 کروڑ کا بزنس کرلیا ہے جب کہ فلم نے دنیا بھر میں 10 کروڑ سے زائد کی کمائی کرلی ہے۔