قتل اور بھتہ خوری میںملوث 4ملزمان گرفتار اسلحہ برآمد

ایس ایچ او جیکسن رحیم خان کے مطابق گرفتار ملزمان کا تعلق جرائم پیشہ (سر جاتا) گروپ سے ہے. فوٹو: اے ایف پی/فائل

---

CHICAGO: پولیس نے قتل اور بھتہ خوری کی وارداتوں میں ملوث4 ملزمان سمیت 46 ملزمان کو گرفتار کر کے اسلحہ ، منشیات اور کار برآمد کر لی۔

تفصیلات کے مطابق جیکسن پولیس نے مقابلے کے دوران 2 ملزم شاہد اور امین کو گرفتار کر کے2 نائن ایم ایم پستول اور 5 رائونڈ برآمد کر لیے جبکہ ملزمان کے دیگر ساتھی فرار ہو گئے۔

ایس ایچ او جیکسن رحیم خان کے مطابق گرفتار ملزمان کا تعلق جرائم پیشہ (سر جاتا) گروپ سے ہے اور ملزمان جرائم کی متعدد اور سنگین وارداتوں میں ملوث ہیں، انھوں نے بتایا کہ گرفتار ملزم شاہد 2010 میں جیکسن تھانے کے اے ایس آئی عباس اور کانسٹیبل طالب کے قتل میں بھی ملوث ہے اور ملزم کے خلاف جیکسن تھانے میں پہلے سے مقدمات درج ہیں ،ادھر اسپیشلانویسٹی گیشن یونٹ پولیس نے اورنگی ٹائون کے علاقے قصبہ کالونی میں کارروائی کرتے ہوئے بھتہ خور نقیب اللہ عرف ساجد ولد سعید ولی اور اس کے ساتھی نعمت اللہ ولد حمید اللہ کو گرفتار کر کے بھتے کی پرچیاں اور 2 ٹی ٹی پستول برآمد کر لی ہیں۔