آرمی چیف جنرل راحیل شریف نےشبیرشریف شہید اسپتال کا افتتاح کردیا

آرمی چیف نے شبیر شریف اسپتال کے مختلف شعبوں کا دورہ کیا،آئی ایس پی آر ۔ فوٹو اے پی پی

---

لاہور: چیف آف آرمی اسٹاف جنرل راحیل شریف نے گجرات میں آبائی علاقے کا دورہ کیا اور اپنے بڑے بھائی کے نام سے منسوب شبیرشریف شہید اسپتال کا افتتاح کیا۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کے سپہ سالارجنرل راحیل شریف گجرات میں اپنے آبائی گاؤں کنجاہ پہنچے جہاں انہوں نے اپنے بڑے بھائی کے نام سے منسوب شبیرشریف شہید اسپتال کا افتتاح کیا۔ آئی ایس پی آر کے مطابق جنرل راحیل شریف نے شبیر شریف اسپتال کے مختلف شعبوں کا دورہ کیا اور زیرعلاج مریضوں سے ملاقات کرکے ان کی خیریت دریافت کی۔ اس سے قبل اسپتال کی منعقدہ افتتاحی تقریب میں علاقہ مکینوں اور عمائدین کی بڑی تعداد نے شرکت کی۔