سنیل شیٹھی کا بیٹا بھی فلم نگری میں قدم رکھنے کے لیے تیار

نامور فلمساز ساجد ناڈیاڈ والا اپنی فلم کے ذریعے نوجوان اداکار کو فلم نگری میں متعارف کرائیں گے۔ فوٹو؛ فائل

---

بالی ووڈ کے نامور اداکار سنیل شیٹھی کی بیٹی آتیا شیٹھی کے بعد نوجوان بیٹے آہان شیٹھی بھی فلم نگری میں قدم رکھنے کے لیے تیار ہیں۔

بالی ووڈ اسٹار سنیل شیٹھی نے 90 کی دہائی میں فلم نگری پرراج کیا اور کئی بلاک بسٹر فلموں میں اداکاری کے جوہر دکھائے جس میں ''غدار''،''اک تھا راجہ''،''کرشنا''،''ہیرا پھیری''،''دھڑکن'' اور''پیار عشق اور محبت''سمیت کئی فلمیں شامل ہیں جب کہ فلم اسٹار خود تو فلمی دنیا سے عارضی طور پر دور ہیں لیکن اپنے بچوں کو فلموں میں متعارف کرانے میں مصروف ہیں۔

It's a very special day & can't b complete without thanking d forces behind it! Thank U Sajid & @WardaNadiadwala @NGEMovies & Vikram Razdan https://t.co/L0ti06otsP

— Suniel Shetty (@SunielVShetty) November 28, 2016

سنیل شیٹھی کی بیٹی آتیا شیٹھی کے بعد اب ان کے صاحبزادے آہان شیٹھی بھی فلم نگری میں انٹری دیں گے جس کے لیے وہ لندن میں تربیت حاصل کررہے ہیں جب کہ نامور فلمساز ساجد ناڈیاڈ والا اپنی فلم کے ذریعے نوجوان اداکار کو فلم نگری میں متعارف کرائیں گے جس پر سنیل نے معروف فلمساز کا شکریہ ادا کیا ہے۔

Can't help bt think of u al day today as Ahan tks a step fwd in d industry!Ur gentle push & immense encouragement hs gt hm here!Love U Bhai! pic.twitter.com/kEHl8yj3FY

— Suniel Shetty (@SunielVShetty) November 28, 2016

اداکار سنیل شیٹھی نے بیٹے کو فلم نگری میں جانے کے لیے آمادہ کرنے اور حوصلہ افزائی پر دبنگ سپر اسٹار سلمان خان کا بھی شکریہ ادا کرتے ہوئے انہیں بھائی کہا ہے جب کہ دوسری جانب ہدایتکار کرن جوہر نے بھی اپنی ٹوئٹ میں آہان شیٹھی کو مستقبل کا اسٹارقرار دیا ہے۔

https://twitter.com/karanjohar/status/803114412374491136

واضح رہے کہ سلمان خان نے اپنی پروڈکشن ہاؤس کے بینر تلے بننے والی فلم ''ہیرو'' میں سنیل شیٹھی کی بیٹی آتیا شیٹھی کو مرکزی کردار میں کاسٹ کیا تھا لیکن فلم باکس آفس پر کامیابی حاصل کرنے میں ناکام ہوگئی تھی۔