گوجرانوالہ ٹریفک حادثہ میں 3 خواتین سمیت 9 افراد جاں بحق 7 زخمی

گوجرانوالہ سے کامونکی کی طرف جانے والی 2 مسافر ویگن دھند کے باعث آپس میں ٹکراگئیں فوٹو: فائل

---

KARACHI: ٹریفک حادثے کے نتیجے میں 3 خواتین سمیت 9 افراد جاں بحق جبکہ 7 زخمی ہو گئے۔

ایکسپریس نیوز کے مطابق یہ حادثہ ایمن آباد کے قریبی گاؤں دھاتے والی کے پاس جی ٹی روڈ پر پیش آیا، گوجرانوالہ سے کامونکی کی طرف جانے والی 2 مسافر ویگن دھند کے باعث آپس میں ٹکراگئیں جس کے بعد پیچھے سے آنے والی تیز رفتارمنی مزدا نے بھی ٹکر ماردی جس کے نتیجے میں 3 خواتین سمیت 9 افراد موقع پر ہی جاں بحق جبکہ 7 افراد زخمی ہوگئے۔

واقعہ کی اطلاع ملتے ہی ریسکیو1122 اور پولیس کی امدادی ٹیموں نے موقع پر پہنچ کر زخمیوں کو ڈسٹرکٹ ہیڈ کواٹر اسپتال اور کامونکی ٹی ایچ کیو منتقل کردیا.