ریکوڈک کیس کا فیصلہ 7جنوری کو سنایا جائے گاسپریم کورٹ

KARACHI:
سپریم کورٹ میں ریکوڈک کیس کی سماعت مکمل ہو گئی ، 7 جنوری کومختصر فیصلہ سنایا جائے گا۔


چیف جسٹس افتخار محمد چوہدری کی سربراہی میں تین رکنی بنچ نےکیس سماعت کی، دوران سماعت عدالت نے ٹی سی سی کمپنی کے وکیل خالد انور کو ہدایت کی کہ وہ 7 روز میں اپنے دلائل تحریری طورپرجمع کرادیں، عدالت نے کہا کہ اپنے دلائل کی نقول درخواست گزار،ایڈووکیٹ جنرل بلوچستان اورصوبائی حکومت کے وکیل سمیت تمام فریقین کو فراہم کریں،چیف جسٹس نے اپنے ریمارکس میں کہا کہ ریکوڈک کا معاملہ اہم ہے عدالت آئین اور قانون کو مدنظر رکھ کر فیصلہ کرے گی۔