کراچی کے علاقے سکندر گوٹھ سے ڈاکوؤں کا 5 رکنی گروہ گرفتار ترجمان رینجرز

ملزمان كے قبضے سے چھینی گئی نقدی، موبائل فون اور زیر استعمال اسلحہ و گولیاں بھی برآمد كرلیا گیا، ترجمان ، فوٹو؛ فائل

---

رینجرز نے سکندر گوٹھ میں کارروائی کرتے ہوئے 5 افراد پر مشتمل ڈکیت گروہ کو گرفتارکرلیا۔

ترجمان رینجرز سندھ كی جانب سے جاری اعلامیے كے مطابق رینجرز نے سكندر گوٹھ كے علاقے میں كارروائی كرتے ہوئے 5 افراد پر مشتمل ڈكیت گروہ گرفتار كرلیا جو اسلحے كے زور پر ڈكیتی و رہزنی، نقدی و موبائل فون چھینے كی وارداتوں میں ملوث تھا۔ ترجمان كے مطابق گروہ میں شامل ملزمان میں عرفان عرف كوئی، عبدالرزاق عرف بوٹا، آصف عرف مالو ،عبدالغفار عرف مڈا اور منیر خان شامل ہیں۔

ترجمان رینجرز کے مطابق ملزمان گلشن اقبال كے علاقے میں 70، نارتھ ناظم آباد میں 50، میٹروول سائٹ ایریا اور اطراف كے علاقوں میں 45 جب كہ ڈیفنس كے علاقوں میں 20 سے زائد ڈكیتی كی وارداتیں کرچکے ہیں، گرفتار ملزمان كے قبضے سے چھینی گئی نقدی، موبائل فون اور زیر استعمال اسلحہ و گولیاں بھی برآمد كرلیا گیا۔