ڈونلڈ ٹرمپ کا تائیوان کے صدر سے رابطے کا دفاع

ڈونلڈ ٹرمپ کے بیان سے امریکا اور چین کے تعلقات خراب ہو سکتے ہیں، ماہرین. فوٹو: فائل

---

نومنتخب امریکی صدر ڈونلڈ ٹرمپ نے تائیوان کے صدر سے ٹیلیفون پر رابطے کا دفاع کرتے ہوئے کہا ہے کہ امریکا تائیوان کو اربوں ڈالر کا اسلحہ فروخت کر سکتا ہے تو میں تائیوان کے صدر کی کال کیوں نہیں سن سکتا۔

ڈونلڈ ٹرمپ نے سوشل میڈیا ویب سائٹ ٹویٹر پر تائیوان کے صدر سے ٹیلی فونک رابطے کی تصدیق کی تو انہیں شدید تنقید کا نشانہ بنایا گیا جب کہ ماہرین کا کہنا ہے کہ ایسا کرنے سے امریکا اور چین کے سفارتی تعلقات خراب ہو سکتے ہیں۔ خود پر تنقید کے بعد ڈونلڈ ٹرمپ بھی اپنے دفاع کے لئے میدان میں آ گئے اور کہا کہ جب ہم تائیوان کو اربوں ڈالر کا اسلحہ بیچ سکتے ہیں تو ان کے صدر سے بات کیوں نہیں کر سکتے۔

The President of Taiwan CALLED ME today to wish me congratulations on winning the Presidency. Thank you!

— Donald J. Trump (@realDonaldTrump) December 3, 2016

Interesting how the U.S. sells Taiwan billions of dollars of military equipment but I should not accept a congratulatory call.

— Donald J. Trump (@realDonaldTrump) December 3, 2016

واضح رہے کہ ڈونلڈ ٹرمپ پہلے ہی چین کے خلاف سخت پالیسی بیانات دے چکے ہیں اور تائیوان کے صدر سے رابطے کو بھی چین کے خلاف ان کی سخت پالیسی کے تناظر میں دیکھا جا رہا ہے۔